Mainâsviäsu sämikielân
Tarinatalo menee Saamenmaalle (“Mainâsviäsu jotá Sáámán”) -haavâ mittomeerrin lii jurgâliđ Mainâsviäsu-spellâlâš oppâmpirrâs sämikieláid já faallâđ párnáid já nuoráid ohtâlâs máhđulâšvuođâid ovdediđ maŋgâluuhâmtááiđus. Haavâ iššijn puáhtá lasettiđ sämikielâi digitaallii juksâmvuođâ já nanodiđ toi eellimvuáimálâšvuođâ sehe tuárjuđ sämikulttuur já kielâsiärvusij jotkuuvâšvuođâ. Digitaallii oppâmateriaal vääni lii lamaš merhâšittee háástus sämikielâi máttáátmist, já Mainâsviäsu fáálá motivistee já vuáruvaigutteijee čuávdus taan hástusân.
Tárbu já tuávááš
Uáppei luuhâm- já čäällimtááiđui hiäjunem sehe škoovlâ ulguubeln tábáhtuvvee mediakulâttem já ärbivuáválii máttááttâs koskâsâš kurrâ láá pajedâm táárbu ovdediđ maaŋgâmuáđusijd pedagoglijd metodijd. Lii kavnâttum, ete spellâliih oppâmpirrâseh pyeredeh čäällimmoovtâ já teevstâ kvaliteet, mii tuárju meiddei sämikielâi máttááttâs ovdedem já ovdeed toi kevttim škovlâkonteevstâst. Meiddei sämikielâliih uáppeeh hietih digitaallijn oppâmpirrâsijn, moh fäälih sii kielâ já kulttuur huámášeijee oppâmsiskáldâsâid. Mainâsviäsu lii ovdedum maaŋgâsuárgásii ohtsâšpargoost tave ollâškovlâiguin já tutkâmjuávhuiguin já tot lii jo finniimist suomâkielân.
Ohtsâšpargo
Haavâ joođeet FT Outi Kallionpää (Laapi ollâopâttâh). Projektist láá mield meiddei professor Pigga Keskitalo (Laapi ollâopâttâh), Oulu ollâopâttuv INTERACT- já OASIS-tutkâmjuávhuh sehe Oulu áámmátollâškoovlâ spellâovdedemohtâdâh. Speelâ olášuttem já pedâgoglii hiäivulâšvuotâ keččâluvvojeh ohtsâšpargoost sämiuáppeiguin já -máttáátteijeiguin.
Ruttâdem já mittomereh
Haavâ ruttâd Laapi kulttuurruttârááju. Haahâ tuárju kielâi täsiáárvu, oovded sämikielâi eellimvuáimálâšvuođâ já fáálá sämipárnáid uđđâlágán já moodeern oppâmpirrâs. Haavâ puátuseh nanodeh sämikielâi máttááttâs, tuárjuh digitaallii oppâmateriaal ovdedem já lääčih uđđâ máhđulâšvuođâid uhkevuálásij kielâi iäláskitmân.
